香港會計師公會牌照編號: A467xx
工作經驗: KxMG做過5年，其中做過Tax同Audit
PxC Tax 1年，BxO Tax 1年，T秘書公司Tax約2年
學歷:清水灣大學 – 經濟及金融學

話說2021年年頭，肥占開始私底下問同team同事借錢 (包括已離職同事)，借錢嘅原因係同fd打牌，payme增值唔到，要借$700。大部分同事都有借畀佢，佢都1-2日內還返。之後肥占用同一個原因再借，都有還嘅。

3月開始，肥占再單獨問同事借錢，金額由幾千至幾萬不等，借錢嘅原因係老豆借咗大耳窿，肥占要幫手還。肥占叫同事唔可以同其他人講，大部分同事喺無溝通既情況下各自借錢畀佢，肥占話月尾出糧會還，但成日要追佢先還，有啲甚至無還過。

10月15號 (星期五)，肥占原本請咗假，但唔知點解佢返咗嚟公司。同事問佢點解返嚟，佢話約咗fd，然後lunch就走咗。

10月18號 (星期一)，肥占無返工又無請假，同事同公司HR都揾佢唔到。另一樣奇怪嘢係，肥占突然將同事送畀佢嘅公仔擺返喺同事張枱。

同日大約6點，有個聲稱係肥占嘅親戚send email畀manager，話肥占入咗醫院，電話壞咗所以聯絡唔到，代肥占請幾日病假，有咩事可以聯絡佢。不過呢位親戚無留到自己個聯絡電話。

10月19號 ，肥占依然無返工同無消息。4點左右，有2個同事收到財仔whatsapp，話肥占欠債2萬幾，疑似係肥占擅自留咗同事電話做咨詢人，財仔揾唔到肥占所以whatsapp咨詢人。

收到財仔message之後，大家都知肥占有啲問題，所以圍埋一齊傾。原來肥占問咗好多同事借錢，金額由幾千至20幾萬都有，肥占連其他team唔係好熟嘅同事都有問借錢，最癲嘅係佢連intern都有問。

去到呢度，大家覺得肥占似係欠債著草，而唔係入咗醫院，所以大家去佢個位到睇吓有無啲咩文件。點知我哋揾到唔同財務公司既欠單，啲本加埋40幾萬，利息20幾萬，total要還70萬。再計埋肥占借公司同事已知嗰堆大概50萬，佢已經孭住120萬債，仲未計出面啲街數。

全世界喺whatsapp, ig同fb揾肥占都無影，但佢有間唔中online。揾唔到肥占，大家就去揾佢啲fb同ig fd，先知原來佢之前喺舊公司PxC同BxO已經因為借錢而畀人炒。之後肥占應該知道我哋揾佢fb 啲fd，所以佢hide咗fd list。

10月25號，有人嘗試打電話畀肥占，發現佢電話已經停止使用，whatsapp全部單剔，去到呢度大家更加覺得佢係走數避債。

經過一輪調查，原來肥占屋企門口10月頭已經畀人貼追數紙。佢屋企人聲稱唔想搔擾到隔離鄰居，所以叫房屋署幫手出一張聲明，話肥占無喺度登記居住，仲喺門口裝咗個勁大嘅防盜眼，但其實傻嘅都知喺屋企人包庇肥占。

肥占幾年前已經染上賭癮兼周圍借錢，更爆嘅係，佢2020年曾經激到老豆喺屋企吊頸自殺，好彩最尾救得返，但係肥占仲係死性不改。根本老豆借大耳窿係假嘅，有次佢問同事借錢，仲扮晒嘢話會同老豆斷絕關係，其實可能佢老豆已經同佢斷絕關係。

大家都無諗過肥占會唔還錢，拎住個會計師牌，平時又咁照顧同事，原來係做戲準備呃人錢。

希望大家幫手廣傳，唔好再畀肥占呃其他人。