上年3月中,有位中同問我借錢,話無錢交學費,我當幫個忙就借比佢

過左一排又問我借,咁我問佢咩事,佢話要再交學費同無錢生活,借完之後我都無再借比佢,
佢自己話出糧後連利息還,但係之後都無還到仲一直問我借錢

到左9月尾,話之前屋企有喪事同埋同屋企人因 "政治問題" 搬左出去住,支出變多左,真係無錢,
話自己會QUIT U,搵FT做,比埋工作證明我睇,之後再慢慢還比我,咁我當最後一次,盡量幫佢

到左12月,我有需要要番錢黎生活同交學費,我問返佢還錢,
結果佢一直拖,佢覆機就變左HEA覆,覆一兩個字就算

到佢話入左,我check過自己銀行同PAYME都無收到,問番佢依家點,

之後變左1月中到2月中成個月唔覆機,咁我話親自搵佢出黎佢先肯覆返我,

佢就只會話"入左" "轉左" "搞掂" "你望清楚" "你再check下",

但係我每日再check自己銀行同PAYME都係無收到佢話還左既錢,
cap埋銀行同PAYME圖,又試過錄影D記錄比佢睇,佢只會話"我去問下銀行" "等等",

我問佢,你轉左既就比記錄我或者等我去問啦,
不過佢就咩都唔答,轉左去我銀行定PAYME又唔答,問佢幾時轉又唔答,
最後佢只有比一張PAYME既圖我,金額亦都唔係我一共借過比佢既34500,到依家我都係未收到錢

期間仲問我有無錢可以借比佢,話要清數同話搵到咩賺大錢既機會

我真係無錢先問佢還返,到最後佢只有講"錢就比左"

既然問佢都唔覆機,唯有問自己FD拎佢女朋友IG問下"佢唔還錢 知唔知咩事啦",但係佢女朋友就block左我佢自己又block埋我同我個FD既FB同IG

問過另一個FD話佢借完錢要一直追先還,但係我一直追都係無收到還左既錢,另一個FD就見到佢IG同女朋友出去食好野

試問還左錢既會咁做?
我唔知佢真係還左定係無還,借錢既理由係差學費定因"政治問題"無錢,
但係我無收到錢,係咪一句"錢就比左"就當還左錢?
仲話搵到賺大錢既機會,唔知佢做咩啦,我當做生意賣野比人,買家收到貨,
但係買家一句"錢就比左",賣家無收到錢,1蚊都收唔到,係咪就無左回事呢?

我自己轉錢比佢既記錄我就有cap低既,記錄同相我都有齊,